Deklingva manlibro pri politiko

La Manlibro pri Politiko (MpP) havas la formon de enciklopedio kun proksimume 1150 kapvortoj alfabete ordigitaj. Sub ĉiu kapvorto troviĝas difino, klarigoj kaj uzekzemploj, nur en Esperanto. Ĝi estas deklingva pro tio, ke sub ĉiu Esperanta kapvorto estas ankaŭ la traduko de tiu kapvorto al 9 naciaj lingvoj (angla, ĉina, franca, germana, hispana, japana, nederlanda, portugala, rusa – „elektitaj precipe laŭ politika signifo” laŭ la enkonduko, sed mi supozas, ke ankaŭ la diponebleco de kunlaborantoj ludis rolon, ĉar mi suspektas, ke alie la araba estus pli forta kandidato ol la nederlanda).